انواع الازواج وسواليفهم

زوجين صايعين

الزوج : تصدقين ما حبيت وحده كثرك

الزوجة : وانا بعد حبيت بس مثلك أبد ما حبيت

الزوج : انتي خليتي حياتي كووول

الزوجة : وااي انت ستايل وتهبل تشبه توم كروز

الزوج : تذكرين أول مرة شفتك فيها وين ؟

الزوجة : اي كنت أغازل مع نوف في المملكة

الزوج : الله كان أسعد يوم بحياتي

الزوجة : شكثر تحبني ؟

الزوج : كثر جمهور نادي النصر

الزوجة : ترى ذبحتني بنادي النصر يحوم الكبد

الزوج : يا عمري انا أشجع نادي النصر عشان لونهم يذكرني بشعرك

الزوجة : اجل تدري ليش أنا أشجع نادي الهلال ؟

الزوج : ليش ؟

الزوجة : لانه بالبطولات الاول . . مثل ماانت بحياتي

الزوج : الله عسل عسل دمك شربات

الزوجة : قوم قوم قبل لا أبلتث اللي كاشخ وراك


زوجين أغبياء ودمهم ثقيل

الزوج : يا حيالله أبو الوجه الصبوحي .. أبو الوجه الصوبوحيي ييي يييي

الزوجه : لا تذكرني بلندن . . اللي فيني كافيني

الزوج : وش معنى لندن ؟

الزوجة : هذي مو أغنية عبدالكريم اللي صورها بالـ هايد بارك

الزوج : والله ما أدري بس يسويها عبدالكريم عبدالقادر

الزوجة : ودي أروح لندن وأنت معاي

الزوج : لا والله

الزوجة : شفيك علي اليوم

الزوج : يعني مع منو بالله .. العادة تروحين مع السواق مثلا ؟

الزوجة : لا مو قصدي السواق .. بعدين احنا ما عندنا سواق شلون أروح معاه ؟

الزوج : اللهم طولك يا روح

الزوجة : خلاص خلاص غير الموضوع

الزوج : حبي لك ماله حدود

الزوجة : الله وناسه يعني بدون جوازات

الزوج : ايه ذكرتيني .. أمس رحت لشارع التحلية ابحلّي ولقيت الشارع مسكر

الزوجة : يا غبي فيه احد يحلّي في شارع ؟

الزوج : مو انتي ذيك المرة قلتي ودي اشوف الضباب ةرحتي لشارع الضباب ؟

الزوجة : بصراحة مو متأكدة

الزوج : تدرين إن لازم يسوون شارع بإسمنا انا وياك

الزوجة : الله شارع حبنا


زوجين بثرين


الزوج : تصدقين بيوم عرسنا كنت خايف مره !

الزوجة : انا كنت خايفه عليك بعد

الزوج : كنت خايف أبوك يفشّلنا وياخذ من البوفيه لبيتكم

الزوجة : نعم نعم ؟

الزوج : أمزح معك شفيك !

الزوجة : اجل ما شفت أمك واهيا تتعلك خفت عليها يطيح حنكها

الزوج : عاد ما أرضى على أمي

الزوجة : حتى انا ما أرضى أبوي

الزوج : أخوك الكبير بأي بقاله مفصّل ثوبه ؟

الزوجة : يمكن بنفس المحل اللي فصلت فيه أختك مو متأكده

الزوج : تذكرين خالتك لابسه كعب ثلاث طوابق

الزوجة : ايه تذكرت لما كانت واقفة عند خالتك اللي حاطه حمره تقول شاربه شاني

الزوج : تصدقين أحلى ما فيك بالعرس النفره اللي طالعه بجبهتك

الزوجه : وااي انت تهبل بالشعر اللي طالع من أذونك

الزوج : شرايك نمشي ونكمل سوالف بالطريق ؟

الزوجة : على راحتك حبيبي



زوجين أغنياء

الزوج : أقول حبيبتي شرايك بغدانا أمس في فينيسيا ؟

الزوجة : بصراحة القعدة حلوة بس أكلهم مو زود

الزوج : انا بصراحة عجبني أحسن من مطعمنا في روما

الزوجة : زين انا رايحة باريس تمورو بتسوّق تبي شي من هناك ؟

الزوج : متى بترجعين ؟

الزوجة : ما أدري على حسب يمكن توو دييز وأرجع

الزوج : خذيتي مليونك من أبوك ؟

الزوجة : لا تكفى الله يعافيك روح خذها ما يمديني

الزوج : اجل بأي حساب بتتسوقين ؟

الزوجة : ما عليه بصرف من حساب خلودي ولدي فيه 300 ألف

الزوج : عاد رجعيهم له مو تنسين حرام فلوسه يبي يستانس فيهم الولد

الزوجة : انت وين بتروح في هالويكند ماي سويت هارد ؟

الزوج : ودي أروح معاك بس مواعد الوليد بن طلال عازمني على العشا بكره

الزوجة : اوكي انا بسافر بالطياره الرمادية عبّيتها بانزين ؟

الزوج : اي فيها بانزين أكيد وانا بروح باليخت حقي ودي اصيد سمك بطريق الرجعه

الزوجة : قود نايت حبيبي وسويت دريمز

الزوج : قود نايت ماي سويت هارد



زوجين نصاااابين


الزوجة : ما قلت لك يوم طاحت فينا الطيارة ذيك السنة ؟

الزوج : مرة ثانية ؟

الزوجة : ايه مرة ثانية يوم أمي تعلقت بجناح الطيارة وطارت عبايتها

الزوج : اوف اوف اوف صق والله !!

الزوجة : أمي مسكينة ايدها تعبت واطلقت جناح الطيارة

الزوج : وبعديييين ؟

الزوجة : الحمدلله ما صار فيها شي أبوي لحق عليها بالبرشوت

الزوج : الحمدلله والا بغت تروح فيها مسكينة

الزوجة : انا من الخرعة طبيت بدون برشوت وبدون ولا شي

الزوج : وبعدييييييين ؟

الزوجة : لقيت أبوي بالسما مع أمي قلت لهم الحقوني

الزوج : سبحان الله شوفي الصدفة !

الزوجة : ايه انا عقبها حرمت اركب طيارات

الزوج : انا مرة بغيت أموت يوم كنت أسوق سيكل وطحت فيه من الجسر

الزوجة : بسم الله عليك وبعديييين ؟

الزوج : الحمدلله اني طحت على ساعتي ما تعورت

الزوجة : وليش طحت من السيكل ؟

الزوج : انا كنت دايس تقريبا 200 ويوم صعدت الجسر لف السيكل بي

الزوجة : وبعديييييييين ؟

الزوج : ابد اتصلت على الاسعاف يمكن بالطيحة أتعور لا سمح الله

الزوجة : هذا وانت طايح من السيكل وتتصل ؟

الزوج : ايه وما وعيت الا وانا اصدم في الصبّة حقت الجسر وأطيح من فوق

الزوجة : وبعدييييين ؟

الزوج : ابد حطيت التلفون بمخباتي ولبست ساعتي

الزوجة : والله حجرتني .. ايه كمّل

الزوج :ابد . . طربااااخ . . وإلا أطيح على ساعتي وتكسرت والا الاسعاف وصلوا

الزوجة : الحمدلله على السلامه




زوجين صغار


الزوج : تصدقين خلصت المرحلة الأخيرة بهاللعبة ؟

الزوجة : يووووه انا من زمان خلصتها .. ألحين عندي لعبة جديدة

الزوج : أقول دقي على هارديز اطلبي لي هابي ميل

الزوجة : ايه حتى انا مشتهية هابي ميل يوزعون معاها لعبة

الزوج : وإذا دق علي حمني البطّه قولي له مو موجود

الزوجة : زين قوم خل نكمل بلاي ستيشن

الزوج : لحظة متابع حلقة سلاحف النينجا ألحين بتجي على سبيس تون

الزوجة : شايفتها هالحلقة مو حلوة

الزوج : عاد لاتخربين علي يوم طلع باباي البوكيمون ما خربت عليك

الزوجة : خلاص خلاص لا تزعل بعدين تروح تنادي أمك

الزوج : ترى والله أحاربك صدق

الزوجة : عطني يد اللعبة حقتي انا شاريتها

الزوج : يعني نحاسه .. انا أوريك بس يخلص الباباي





زوجين شيّاب

الزوج : انا بفهم . . دكتوري ما يفهم غبي ؟

الزوجة : هوْهوْهوْ وشفيك يا بوصالح أمس تمدحه واليوم تذمّه ؟

الزوج : يا ام صالح الدختر دلخ ما يفهم وشعرّفه ؟

الزوجة : ألحين صار كودني ما يفهم ؟ صدق مالك خاتمه !!

الزوج : ما يدري إن هالعلاج هو علاج السكري والضغط وأمراض الدنيا

الزوجة : يمّه منك عيّار ما تجوز عن سوالفك يا بوصالح

الزوج : انتي لو في منّك واجد كان سوّوهم ابرّ حق المرضى

الزوجة : ذكرتني بأيام أوّل يوم تلعب علي في بيت جدي وتغازلني

الزوج : آآآآه يا زينها من أيام

الزوجة : انا كنت أطلطل من الدريشه وأشوف هالحافي المعصقل اللي دخل قلبي من أوّل نظررره

الزوج : اييييه هذا انا صح صح .. في السكة مع عيال بن عثمان نلعب

الزوجة : وش كنت تسوي ما عاد أذكر شي !

الزوج : يوم أروّح اختي الصغيرة تقولك : ارحمني يامعذبني وانتي طاقتك البوهه

الزوجة : ياجعلك اللي منيب قايل ذكرتني

الزوج : وانتي تقولين : انا مااعذّب سبايك . . ليـــــــه ؟

الزوجة : ابد كنت ابعلقك زووود

الزوج : هذا اللي علقني فيك أكثر

الزوجة : قوم قوم روح يعطونك ابرة السكر الظاهر ارتفع

الزوج : هذا جزاي اسولف معك ونتذكر الايام الحلوه

الزوجة : آآآه منك . . مراااهق في الخمسين



زوجين نكته

الزوج : يقول في مدرس سأل الطلبة : اللي غبي يوقف .. الا ويوقف واحد سأله المدرس ليش وقفت ؟ قال ما حبيت أشوفك واقف لحالك يا استاذ

الزوجة : يعني دمك خفيف ؟ اسمع : في مرة واحد دخل السلك الدبلوماسي تكهرب هاهاهاها

الزوج : ياشين المصوووول . . اسمعي : كلب شوارع مر على مركز شرطة شاف كلب بوليسي قال : آآخ لو مكمل دراستي هههههه

الزوجة : ترى صدق صدق دمك ثقيل اسمع : في واحد قاعد يطق الدجاجه حقهم ليش ؟

الزوج : ليش ؟

الزوجة : يقولها كل يوم بيض كل يوم بيض ما في جبن .. هي هي هي

الزوج : امصل منك ماشفت. . اسمعي : فيه بزر عمره ثلاث سنوات قال لأمه الحامل وش في بطنك ؟ قالت له : هذا أخوك الصغير ...

الزوجة : هاهاهاهاهاها

الزوج : لحظة ما خلصت يا الغبية !!

الزوجة : اوكي

الزوج : قال لها : تحبينه ؟ قالت له : ايه أحبه .. قال لها : اجل ليش بلعتيه ؟

الزوجة : خلصت ؟

الزوج : يالله الحين الناس يضحكون



وش رايكم . . وش احسن ثنائي ؟

ابي ردود وتفااعل حلوه
(((نسيت انساك ))) :affraid:

هههههههههههههههههههههه,صدق صرررقعه,شكراا يازووووووووووووء

هههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
هههههههههههههههههههههههههههههههههه
ههههههههههههههههههههههه


وش ذولي وقسم بالله نكته كل مااقول ذا الثنائي شي يجون اللي بعدهم احلى

بس النصابين ذكروني بخواتي اذ ملو وبدو يفقشون فقش ع اصوله

كثري من مواضيعك ياقلبو
^
^
عجبها الوضع